شڪارپور (ن س) شڪارپور پوليس پاران مبينا مقابلي ۾ 04 ڏوهاري هٿيارن سميت گرفتار ڪرڻ جي دعوي، ساٿي فرار ڪيس داخل. شڪارپور پوليس موجب گذريل رات رستم ٿاڻي جي حد فيضو روڊ ويجهو مرزا واهه وٽ پوليس ۽ ڌاڙيلن ۾ مقابلو ٿيو، 04 ڏوهاري هٿيارن سميت گرفتار ڪيا ويا، ايس ايس پي شڪارپور امجد احمد شيخ جي اڳواڻي ۾ شڪارپور پوليس ڏوهارين خلاف ڪامياب ڪارروايون ڪري رهي آهي جنهن ۾ امن دشمنن لاءِ زمين تنگ ڪئي وئي آهي. گذريل رات رستم پوليس کي اطلاع مليو ته فيضو روڊ مرزا واهه ڀرسان ڏوهاري ڏوھ جي نيت سان بيٺا آهن. ايس ايڇ او رستم قربان علي ککراڻي CIA پاسبان انسپيڪٽر اياز احمد کيڙو جي اڳواڻي ۾ ٽيم سان گڏ فيضو روڊ مرزا واهه وٽ پهتو ته پوليس ۽ ڌاڙيلن ۾ مقابلو ٿي پيو. مقابلي دوران چئن ڏوهارين کي گرفتار ڪيو ويو، ڏوهارين جي قبضي مان جديد هٿيار هٿ ڪيا ويا، جڏھن ته ساٿي ڏوهاري فرار ٿي ويا، گرفتار ڏوهارين ۾ عبدالحڪيم ولد عبدالخالق، عبدالوهاب ولد عبدالستار، علي گوهر عرف علي بهار جتوئي ۽ ڀاڳيل مهر شامل آهن. گرفتار ڏوهارين جي قبضي مان بندوق ۽ ٽي ٽي پسٽل هٿ ڪيا ويا آهن. گرفتار ٿيل ڏوهارين جو ڪرمنل رڪارڊ ضلعي شڪارپور جي ٿاڻن ۽ ضلعي شڪارپور جي سرحدي ٿاڻن کان معلوم ڪيو پيو وڃي، ايس ايس پي شڪارپور امجد احمد شيخ پاران پوليس ٽيم کي شاباس جو پيغام ڏيندي چيو ته ڏوهاري کي ڪنهن به صورت ۾ بخش نه ڪيو ويندو.
