ڪراچي(ويب ڊيسڪ)انٽرنيشنل ڪرڪيٽ ڪائونسل (آءِ سي سي) راولپنڊي ۾ کيڏيل پاڪستان ۽ آسٽريليا وچ ۾ پهرين ٽيسٽ ميچ جي پچ کي غير معياري قرار ڏئي ڇڏيو آهي. آءِ سي سي ميچ ريفري راولپنڊي ٽيسٽ پچ يا وڪيٽ کي اوسط کان هڪ درجو گهٽ قرار ڏنو، جنهن بعد ٽيسٽ سينٽر کي ڊي ميرٽ پوائنٽ ڏنو ويو. ان حوالي سان ميچ ريفري رنجن مدوگالي جو چوڻ هو ته ٽيسٽ جي پنجن ڏينهن دوران وڪيٽ جي رويي ۾ ڪا به تبديلي نه آئي ۽ معمولي بائونس جي باوجود پچ يا وڪيٽ کي ڪو به نقصان نه پهتو. هن چيو ته وڪيٽ ۾ فاسٽ بالرز لاءِ ڪا به رفتار يا بائونس نه هئي ۽ نه ئي ان ميچ ۾ اسپنرز کي ڪا مدد ڏني. هن چيو ته وڪيٽ بيٽنگ ۽ بال جي وچ ۾ ڪنهن به مقابلي جي اجازت نه ڏيندي هئي ان ڪري آءِ سي سي جي هدايتن جي روشني ۾ وڪيٽ کي غير معياري سمجهيو وڃي ٿو.
