سڊني(ويب ڊيسڪ)آسٽريلوي ڪرڪيٽر مچل مارش زخمي ٿيڻ سبب 3 مهينن لاءِ ڪرڪيٽ کان ٻاهر ٿي ويو.رپورٽن مطابق مچل مارش ڪافي عرصي کان ڳچيءَ جي زخم ۾ مبتلا آهي ۽ هاڻي ان جو آپريشن ٿي رهيو آهي.مچل مارش هاڻي بگ بيش ليگ ۾ کيڏي نه سگهندو جڏهن ته هو ڀارت جي دوري لاءِ به ٽيم لاءِ موجود نه هوندو.مچل مارش بگ بيش ليگ ۾ پرٿ اسڪرچرز جي نمائندگي ڪري ٿو.رپورٽن مطابق پرٿ اسڪرچرز به مچل مارش جي غير موجودگي جو اعلان ڪري ڇڏيو آهي.ميڊيا رپورٽن موجب مچل مارش هاڻي ايندڙ سال ورلڊ ڪپ کان اڳ مڪمل طور تي فٽ ٿي ويندو ۽ ٽيم لاءِ دستياب هوندو.چيف سليڪٽر جارج بيلي موجب مچل مارش اهم ڪرڪيٽر آهي ۽ ان جي بحالي ۾ مڪمل سهڪار ڪندو.پرڏيهي ميڊيا موجب انگلينڊ جو فل سالٽ به ڪلهه جي انجری سبب پرٿ اسڪرچرز لاءِ موجود نه هوندو.
