دوحا(ويب ڊيسڪ)فيفا ورلڊ ڪپ 2022 جي پهرئين سيمي فائنل ۾ ليونل ميسي جي ارجنٽائن ڪروشيا کي 3-0 تان شڪست ڏئي ايونٽ جي فائنل لاءِ ڪواليفائي ڪري ورتو. لوصيل اسٽيڊيم ۾ کيڏيل ميچ جي پهرئين هاف ۾ ارجنٽائن جي ڪپتان ليونل ميسي 34 هين منٽ ۾ پلينٽي ڪڪ تي گول ڪري ٽم کي برتري ڏياري. جنهن بعد جولين الواريز 39هين منٽ ۾ گول ڪري پنهنجي ٽيم جي پوزيشن وڌيڪ مضبوط ڪئي. ليونل ميسي جو ورلڊ ڪپ فٽبال ۾ 11 هون گول هو، جيڪو هاڻي ارجنٽائن ۽ ميسي لاءِ هڪ رڪارڊ بڻجي ويو آهي. پهرين هاف جي پڄاڻي تائين ارجنٽائن جي برتري 0-2 هئي. ٻئي هاف ۾ ڪروشيا گول ڪرڻ جي ڀرپور ڪوشش ڪئي پر ڪاميابي نه ملي. ارجنٽائن جي جولين الواريز 69 هين منٽ ۾ ٻيو ۽ پنهنجي ٽيم جو ٽيون گول ڪيو. ڪروشيا جي ٽيم ڪوششن باوجود گول ڪرڻ ۾ ناڪام رهي، اهڙي طرح ارجنٽائن ڪروشيا کي هڪ طرفي مقابلي ۾ شڪست ڏئي 2022 فيفا ورلڊ ڪپ جي فائنل ۾ پهچي ويو. ياد رهي ته ارجنٽائن ٻه ڀيرا 1976ع ۽ 1986ع ۾ فٽبال ورلڊ ڪپ جو چيمپيئن رهي چڪو آهي. هن ڀيري فائنل ۾ سندن ڪاميابي هيٽ ٽرڪ هوندي.
