لاهور (ويب ڊيسڪ)عوامي پاڪستان پارٽي جي سربراهه شاهد خاقان عباسي جو چوڻ آهي ته اسان کي نظام تبديل ڪرڻو پوندو.لاهور ۾ ميڊيا سان ڳالهائيندي هن چيو ته اسان جا صوبا ان ئي سوچ تي هلن ٿا، جيڪا وڏي وزير جي وات مان نڪرندي آهي.شاهد خاقان عباسي جو چوڻ آهي ته وڏي وزير جي وات مان جيڪا هدايت نڪرندي آهي اها هدايت ٿي ويندي آهي ۽ ڪم شروع ٿي ويندو آهي.عوامي پاڪستان پارٽي جي سربراهه چيو ته جمهوريت کانسواءِ اوهان جو ملڪ نه هلندو، پاڪستان ۾ جيڪا ترقي ٿي آهي اها جمهوري دور ۾ ئي ٿي آهي.چون ٿا ته ترقي ايوب خان جي دور ۾ آئي، جيڪڏهن اهو دور جمهوري دور هجي ها ته بهتر ترقي ٿئي ها.هن وڌيڪ چيو ته پاڪستان نجڪاري ڪئي جڏهن ڪنهن ٻئي ملڪ نه ڪئي، اسان بئنڪون وڪرو ڪيون، سيمينٽ وڪرو ڪيون ۽ ڀاڻ وڪڻي ڇڏيو. شاهد خاقان عباسي جو اهو به چوڻ آهي ته توهان وٽ تعليم هجڻ گهرجي، ڊگري نه آهي، توهان کي دنيا جو تجربو هئڻ گهرجي.
