ڪراچي(ويب ديسڪ) پي ايس ايل جي ٽئين ميچ ۾ آڇر تي رات جو ڪراچي ۾ کيڏيل ميچ ۾ اسلام آباد يونائيٽيڊ ملتان سلطانز کي 3 وڪيٽن تان شڪست ڏئي ڇڏي. ڪپتان شاداب خان ٽاس کٽي ملتان کي بيٽنگ جي دعوت ڏني ۽ ملتان وارن 7 وڪيٽن تي 150 رنز ٺاهيون، جن ۾ ڪپتان محمد رضوان 71 رنز ٺاهيون. ڪرس لين هڪ رن ٺاهي فهيم اشرف جو شڪار بڻيو، ان بعد وينس ۽ رضوان ٽيم جي اڌ سينچري ڪئي ته جيمز وينس به 16 رنز ٺاهي آئوٽ ٿيو، رِلي روسو 25 رنز ٺاهي 87 جي مجموعي اسڪور تي آئوٽ ٿيو، صهيب مقصود 2 ۽ خوشدل شاهه 7 رنز ٺاهي سگهيا. محمد وسيم 3 ۽ گرگوري 2 وڪيٽون ورتيون. جوابي بيٽنگ ڪندي فِل سالٽ ايلڪس هيليز اوپننگ ڪئي ۽ 30 رنز ٺاهيون.
محمد عمر فل سالٽ کي آئوٽ ڪيو، پهرين بال تي زيرو تي آئوٽ ٿيندڙ شاهد آفريدي پهرين ئي اوور ۾ ايلڪس هيلز جي وڪيٽ ورتي، برٿويٽ شاداب کي رلي روسو هٿان ڪيچ ڪرايو، آفريدي آصف علي کي ڪيچ ڪرايو ۽ شاندار فيلڊنگ ڪندي افتخار احمد کي رن آئوٽ ڪيو، اسلام آباد 11 اوورز ۾ 74 رنز تي 6 وڪيٽون وڃائي چڪي هئي پر گريگوري ۽ فهيم اشرف اسڪور 111 تائين پڄايو، گريگوري آخري اوور م سهيل تنوير کي هڪ ڇڪو ۽ ٽي چوڪا هڻي ميچ کٽي ورتي، هو 39 رنز تي ناٽ آئوٽ رهيو ۽ کيس مين آف دي ميچ قرار ڏنو ويو.
