لاهور (ويب ڊيسڪ) اسلام آباد يونائٽڊ ۽ لاهور قلندرز ۾ پي ايس ايل جي 17هين ميچ قذافي اسٽڊيم ۾ ٿي جيڪا 71 رنز تان اسلام آباد کٽي ورتي. اسلام آباد يونائٽڊ 199 رنز جو لاهور کي کٽڻ لاءِ ٽارگٽ ڏنو. لاهور وارن بيٽنگ شروع ڪئي ته ڪرس لين 2 بالن تي بنا رن ٺاهي ڊيل اسٽائن جي بال تي رومان رئيس هٿان ڪيچ ٿيو، سلمان بٽ ٻن چوڪن جي مدد سان 24 بالن تي 21 رنز ٺاهي ظفر گوهر جي بال تي حسين طلعت هٿان ڪيچ ٿيو، محمد حفيظ 13 بالن تي هڪ چوڪو هڻي 10 رنز ٺاهي حسين طلعت هٿان عاقف جاويد جي بال تي ڪيچ ٿيو، بين ڊنڪ پوئين ميچ ۾ مين آف دي ميچ رهيو، اهو 4 چوڪا هڻي 15 بالن تي 25 رنز ٺاهي شاداب جي بال تي ليوڪ رونڪي هٿان ڪيچ ٿيو.
سمت پٽيل هڪ چوڪو هڻي 8 بالن تي 6 رنز ٺاهي شاداب جي بال تي منرو هٿان ڪچ ٿيو، سهيل اختر هڪ چوڪو هڻي 9 بالن تي 8 رنز ٺاهي ظفر گوهر جي بال تي ايل بي ڊبليو ٿيو، محمد فيضان 6 بالن تي 6 رنز ٺاهي ظفر گوهر جي بال تي بولڊ ٿيو، سيڪوگا پراسنا 8 بالن تي 8 نز ٺاهي آئوٽ ٿيو، لاهور قلندرز خلاف توقع، 14.5 اوورز م 89 تي 9 آئوٽ ٿي چڪا هئا. شاداب خان 4 اوورز ۾ 21 رنز ڏئي 2 وڪٽ ورتيون، ظفر گوهر 31 رنز ڏئي 3 وڪيٽ ورتيون، 18.5 اوورز ۾ لاهور آل آئوٽ ٿي وئي.
جڏهن ته آصف علي 6 بالن تي هڪ ڇڪي ۽ ٽن چوڪن جي مدد سان 20 رنز ٺاهي ناٽ آئوٽ رهيو.
