لاهور (ويب ڊيسڪ)ورلڊ اينڊ ايشين سنوڪر چيمپيئن شپ جو ٽائيٽل کٽيندڙ احسن رمضان کي لاهور پوليس مبينا طور حراست ۾ وٺي ريمانڊ تي حوالي ڪري ڇڏيو.سنوڪر چيمپيئن احسن رمضان ٻين رانديگرن سان گڏ ٽائون ٿاڻي جي علائقي ۾ واقع سنوڪر اڪيڊمي ۾ ايندڙ ايونٽس لاءِ ٽريننگ ڪري رهيو هو ته گرين ٽائون ٿاڻي جي پوليس رات دير تائين سنوڪر ڪلب کي کليل رکڻ تي ڇاپو هنيو ۽ احسن رمضان کي مبينا طور گرفتار ڪري کيس پوليس اسٽيشن وٺي وڃڻ جو چيو. احسن رمضان جو چوڻ آهي ته جڏهن مون پوليس آفيسرن کي چيو ته مان عالمي چيمپيئن آهيان ته چوندا هئا ته اسان تي ڪهڙو احسان آهي، اسان کي روڪيو ۽ گاليون ڏنيون، هميشه ڪوشش ڪئي ته پنهنجي ملڪ جو نالو روشن ۽ ڪامياب ڪريون پر. مون کي خبر نه هئي ته مان پنهنجي ئي ملڪ ۾ ذليل ٿي ويندس.بعد ۾ سندس ويجهي دوست جي پوليس اسٽيشن پهچڻ کان اڳ ئي کيس حراست مان ڪڍيو ويو.ورلڊ ۽ ايشين چيمپيئن شپ جو ٽائيٽل کٽيندڙ احسن رمضان واقعو بيان ڪندي روئي پيو.عالمي چيمپيئن احسن رمضان جون بيلٽ پائڻ جون تصويرون حوالات کان ٻاهر ڏسي سگهجن ٿيون.احسن رمضان وزيراعظم شهباز شريف ۽ آءِ جي پوليس پنجاب کي اپيل ڪئي ته ساڻس انصاف ڪيو وڃي.
