ڪراچي(اسٽاف رپورٽر) اڳوڻي ڪاموري اعجاز احمد ميمڻ کي سنڌ ڪميشن فار پروٽيڪشن جرنلسٽس اينڊ ميڊيا پريڪٽشنرز (سي پي جي ايم پي) جو ٽن سالن جي مدت لاءِ چيئرپرسن مقرر ڪيو ويو آهي. هو گريڊ 20هين جو رٽائرڊ آفيسر آهي. هي ڪميشن 2021 ۾ منظور ڪيل ايڪٽ هيٺ قائم ٿي هئي. سندس مقرري جي منظوري سنڌ ڪابينا 4 ڊسمبر واري اجلاس ۾ ڏني هئي جنهن بعد سيڪريٽري اطلاعات نديم رحمان جي صحيح سان 13 ڊسمبر تي نوٽيفڪيشن جاري ڪيو ويو هو.
