لاهور (ويب ڊيسڪ)انگلينڊ خلاف ٽي ٽوئنٽي سيريز ۾ شڪست ۽ قومي ڪرڪيٽ ٽيم جي ناقص ڪارڪردگي کانپوءِ اڳوڻي ڪپتان راشد لطيف ۽ رميز راجا موجوده ڪپتان بابر اعظم کي محمد رضوان کان وڪيٽ ڪيپنگ وٺڻ جو مشورو ڏنو آهي.سرڪاري ميڊيا اسپورٽس چينل تي ڳالهه ٻولهه دوران انگلينڊ سيريز ۾ شڪست تي ڳڻتي جو اظهار ڪندي راشد لطيف چيو ته هن وقت سڀ کان وڏو مسئلو قومي ٽيم جي وڪيٽ ڪيپر اعظم خان جو آهي، ٽيم وٽ 2 وڪيٽ ڪيپر عثمان ۽ محمد رضوان آهن. منهنجي صلاح آهي ته وڪيٽ ڪيپنگ ڪنهن سينيئر رانديگر کي ڪرڻ گهرجي. رضوان گذريل 4 سالن کان پوئتي راند کيڏي رهيو هو هاڻي توهان اهو ڪارڊ ڪڍي ڇڏيو.هن چيو ته ڪنهن به ٽيم جي ڪپتان کي سڀ کان وڌيڪ وڪيٽ ڪيپر جي ضرورت هوندي آهي، مان ۽ معين خان ٽيسٽ ۽ ون ڊي ميچن ۾ وڪيٽ ڪيپنگ ڪئي آهي، اسان پوئتي کان ميچ ڏسندا هئاسين پر جيڪڏهن ڪير پوئتي بيٺو آهي ته هو پنهنجي ڪپتان کي ڇا ٻڌائيندو؟ ڪيچ ڇڏڻ شروع ڪري ٿو؟ ڪا به راند ننڍي هجي يا وڏي، جيڪڏهن ڪميونيڪيشن غائب هجي ته ڪيئن کيڏندي.
![](https://www.dailysindhyar.com/wp-content/uploads/2023/10/Babar-Rizwan.png)