ڪولمبو(ويب ڊيسڪ)پاڪستان ۽ افغانستان ۾ ٽئين ۽ سيريز جي آخري ميچ ڪولمبو ۾ کيڏي پئي وڃي. پاڪستان ٽاس کٽي بيٽنگ جو فيصل ڪيو آهي، فخرالزمان ۽ امام الحق اننگ جي شروعات ڪئي. 36 جي مجموعي اسڪور تي فخرالزمان نائين اوور ۾ 5 چوڪن جي مدد سان 33 بالن تي 27 رنز ٺاهي گلبدين نائب جي بال تي رياض حسن هٿان ڪيچ ٿيو ۽ امام الحق به ڄمي نه سگهيو30 بالن تي 13 رنز ٺاهي نائب جو ٻيو شڪار بڻيو ۽ کيس گرباز ڪيچ ڪيو. جنهن بعد بابر اعظم ۽ محمد رضوان اسڪور اڳتي وڌايو. واضح رهي ته پاڪستان سيريز جون 2 ميچ کٽي سيريز کٽي چڪو آهي ۽ جيڪڏهن اڄوڪي ميچ پاڪستان کٽي ورتي ون ڊي رينڪنگ ۾ پهرين نمبر تي اچي ويندو. افغانستان خلاف ٽئين ون ڊي ميچ ۾ پاڪستاني ٽيم ۾ 4 تبديلين جو فيصلو ڪيو ويو آهي. قومي ٽيم انتظاميا تبديلين جو فيصلو سيريز کٽڻ کانپوءِ ڪيو آهي. ٽيم انتظاميا پليئنگ اليون ۾ سعود شڪيل، فهيم اشرف، محمد نواز ۽ محمد وسيم جونيئر کي به موقعو ڏنو ويو آهي. جڏهن ته افتخار احمد، اساما مير، نسيم شاهه ۽ حارث رئوف کي آرام ڪرايو ويو آهي. پليئنگ اليون جو حتمي فيصلو ٽاس کان اڳ ڪيو ويو.
