ڪراچي(اسٽاف رپورٽر)قومي ڪرڪيٽر محمد عامر چيو آهي ته الله مون کي موقعو ڏنو ته ٻيهر قومي ٽيم ۾ کيڏندس.نيشنل هاءِ پرفارمنس سينٽر ۾ ميڊيا سان ڳالهائيندي محمد عامر چيو ته مان پهريان پي ايس ايل ۾ پرفارم ڪرڻ چاهيان ٿو، جيڪڏهن الله مون کي موقعو ڏنو ته ٻيهر قومي ٽيم ۾ کيڏندس.هن چيو ته مان نجم سيٺي جو شڪر گذار آهيان جنهن مون کي هتي پريڪٽس ڪرڻ جو موقعو ڏنو، مان سمجهان ٿو ته رميز راجا پڙهيل لکيل ماڻهو آهي، مون کان اها اميد نه هئي ته هو ڪنهن تي الزام لڳائيندو.عامر چيو ته نجم سيٺي کي سپورٽ ڪري رهيو آهيان پر پهريان پنهنجي ڪارڪردگي تي ڌيان ڏيندس.
