پشاور (ويب ڊيسڪ)پشاور هاءِ ڪورٽ اليڪشن ڪميشن کي سينيٽ چونڊن جو معاملو جلد حل ڪرڻ جو حڪم ڏئي ڇڏيو.پشاور هاءِ ڪورٽ جي چيف جسٽس اشتياق ابراهيم ۽ جسٽس وقار احمد خيبرپختونخواهه ۾ سينيٽ چونڊون ڪرائڻ بابت درخواست تي ٻڌڻي ڪئي.درخواستگذار جي وڪيل چيو ته گذريل ٻڌڻي تي اليڪشن ڪميشن چونڊن جي تاريخ لاءِ وقت طلب ڪيو هو.جنهن تي اليڪشن ڪميشن جي وڪيل چيو ته اليڪشن ڪميشن معاملي تي ڪنهن حد تائين غور ڪيو آهي، اليڪشن ڪميشن سينيٽ چونڊن جي حوالي سان اجلاس به ڪري چڪو آهي.پشاور هاءِ ڪورٽ جي چيف جسٽس چيو ته توهان کي ٻن هفتن جو وقت ڏيون ٿا، جنهن تي اليڪشن ڪميشن جي وڪيل چيو ته وڌيڪ وقت ڏيو، سپريم ڪورٽ به فيصلو ڏئي سگهي ٿي.درخواستگذار جي وڪيل چيو ته هو اليڪشن نه ڪرائيندا ۽ نه ئي ڪرائڻ چاهين ٿا، جنهن تي چيف جسٽس وقار احمد چيو ته اڳي هو نه ڪرائڻ چاهين ٿا، هاڻي اليڪشن ڪميشن ڪرائڻ چاهي ٿي.اليڪشن ڪميشن جي وڪيل چيو ته اسان کي وڌيڪ وقت ڏنو وڃي، معاملو حل ڪرڻ جي ڪوشش ڪنداسين.پشاور هاءِ ڪورٽ اليڪشن ڪميشن کي سينيٽ چونڊن جو معاملو جلد حل ڪرڻ جو حڪم ڏئي ڇڏيو.
