شهدادڪوٽ( شاهد اعواڻ )انصاف ڪرڪيٽ ڪائونسل جي ٽورنامينٽ جي فائينل ميچ ٿي گذري جنهن ۾ زهري ڪرڪيٽ ڪلب جي ٽيم 12 اورن ۾ 142 رنسون کڻي ميچ پنهنجي نالي ڪري ورتي. فاتح ٽيم ۾ اسامه مگسي 65 رنسون ٺاهي مين آف دي ميچ قرار. شهدادڪوٽ جي ڊگري ڪاليج جي گرائونڊ تي انصاف ڪرڪيٽ ڪائونسل ٽورنامينٽ جو بندوبست ڪيو ويو جنهن جي فائينل ميچ ۾ زهري اسٽار ڪرڪيٽ ڪلب ۽ المهراڻ ڪرڪيٽ ڪلب جي ٽيم ۾ راند کيڏي وئي جنهن ۾ پهريان بيٽنگ زهري اسٽار ڪرڪيٽ ڪلب ڪئي جنهن 12 اورن ۾ 142 رنسن جو حدف ڏنو. هوڏانهن بعد ۾ المهراڻ ڪرڪيٽ ڪلب مقرر ٿيل اورن ۾ 126 رنسون کڻي سگهي. جنهن ۾ زهري ڪرڪيٽ ڪلب 16 رنسن تان ميچ کٽي ونر ٽرافي پنهنجي نالي ڪري ورتي. جڏهن ته فاتح ٽيم جي رانديگر اسامه مگسي 65 رنسون کڻي مين آف دي ميچ جو اعزاز ماڻيو ۽ بيسٽ بالر جو اعزاز شاهد بوجاڻي پنهنجي نالي ڪيو. انصاف ڪرڪيٽ ڪائونسل پاران رٿيل ٽورنامينٽ ۾ ٽوٽل 14 ٽيمن حصو ورتو. هوڏانهن آخر ۾ رٿيل فائينل ميچ جي مهمان خاص ميجر احمد نواز منگي، محمد يوسف ڪمبوه، محمد انور پندراڻي، حمزه عادل ڪمبوه ۽ ٻين کٽيندڙن سميت راند ۾ حصو وٺندڙن ۾ ونر، رنر ٽرافين سميت ٻيا انعام ورهايا.
