ڪراچي: (اسٽاف رپورٽر) ڪراچي جا واپاري هجن يا دوڪاندار، عام شهري هجن يا واٽهڙو عورتون ڪوبه ڦورن ۽ چورن کان محفوظ نه آهي.ڪراچي ۾ موبائل فون، موٽر سائيڪل، گاڏي يا روڪ رقم ڦر ڪرڻ جون وارداتون ته عام آهن پر هاڻ چوري جي هڪ انوکي واردات رپورٽ ٿي آهي جنهن سڀني کي حيران ڪري ڇڏيو آهي.ڦورو لياقت آباد ۾ هڪ مشهور گوله ڪباب وڪرو ڪندڙ کان هٿيارن جي زور تي 10 ڪلو قيمي جي ٿيلهي ڦر ڪري فرار ٿي ويا.ان حوالي سان ڪباب وڪرو ڪندڙ متاثر شخص چيو آهي ته جڏهن ڦورن مون کي روڪيو ته مون سمجهيو ته ڦورو مون کان منهنجو موبائل ۽ روڪ رقم ڦر ڪندا پر مون کي انهي وقت وڌيڪ حيرت ٿي جڏهن هو منهنجو گوله ڪباب ٺاهڻ جي لاءِ تيار ڪيل قيمي جي ٿيلهي کڻي فرار ٿي ويا.
