مانچسٽر(ويب ڊيسڪ) انگلينڊ ڊرامائي انداز ۾ آسٽريليا کي 24 رنز تان شڪست ڏئي ٽن ميچن جي سيريز برابر ڪري ڇڏي. آسٽريليا 232 رنز جو آسان ٽارگٽ حاصل نه ڪري سگهيو. انگلينڊ جي آل رائونڊرز ۽ تيل اينڊرز جي بيٽنگ راند کٽڻ ۾ اهم ڪردار ادا ڪيو. ڪرس ووڪس چيو آهي ته اسين ميچ ۾ ڪهڙي به مهل پرفارم ڪري ميچ کٽڻ جي صلاحيت رکون ٿا. ووڪس، آرچر ۽ سيم ڪرن ٽي ٽي وڪيٽ ورتيون. آسٽريليا 207 رنز ٺاهي ڍير ٿي وئي. سيريز جو فيصلو آخري ميچ ۾ ٿيندو. انگلينڊ ٽي ٽوئنٽي سيريز اڳ ۾ ئي کٽي چڪو آهي. ورلڊ چيمپئن انگلينڊ 149 تي 8 آئوٽ هئا پر راشد ۽ ٽوم ڪرن اسڪور9 وڪيٽن جي نقصان تي 231 تائين پهچايو. آسٽريليا 31 اوورز ۾ رڳو ٻن وڪيٽن تي 143 رنز ٺاهي چڪي هئي ته ووڪس، مارنس کي 48 ۽ فنچ کي 73 رنز تي آئوٽ ڪري پاسو پلٽي ڇڏيو، بنهي ۾ 107 رنز جي پارٽنر شپ هئي.
