لنڊن (ويب ديسڪ) برطانيا جو 80 سالن جو فٽبالر پيٽر ويبسٽر اڄ جمعي تي زندگي جو آخري ميچ کيڏڻ بعد ريٽائر ٿيڻ جو اعلان ڪيو آهي. پيٽر ويبسٽر انگلينڊ جي شهر پرنسٽن ۾ پيدا ٿيو 15 سالن جي عمر کان فٽ بال کيڏڻ شروع ڪيو ۽ اڄ 80 سالن جي ڄمار ۾ به فٽ آهي. هو اڄلڪهه آسٽريليا م رهندا آهي ۽ چوي ٿو ته هاڻي راند کيڏڻ دوران اها ڦڙتي نه رهي آهي. هن ڊگهي ڄمار ۾ فِٽ رهڻ جو راز ٻڌائيندي چيو ته مان روزانو پنڌ ڪرڻ سان گڏ سائيڪلنگ به ڪندو آهيان. هو جنون جي حد تائين فٽ بال راند سان پيار ڪري ٿو ۽ اهو ئي سبب آهي ته سندس نالي سان هر سال ‘پيٽر ويبسٽر ڪپ ’ کيڏيو ويندو آهي.
