اسلام آباد (بيورو رپورٽ)ايف آءِ اي سائبر ڪرائم سرڪلز ملتان ۽ فيصل آباد ۾ ڪارروائي ڪري بليڪ ميلنگ ۾ ملوث عورت سميت 2 جوابدارن کي گرفتار ڪري ورتو.ايف آءِ اي ترجمان موجب جوابدار عورت جون قابل اعتراض تصويرون سوشل ميڊيا تي اپ لوڊ ڪرڻ ۾ ملوث هئا، جوابدارن کي بوريوالا مان گرفتار ڪيو ويو.ترجمان موجب سائبر ڪرائم سرڪل ملتان ٺل حمزه مان جوابدار محمد آصف کي گرفتار ڪيو، جوابدار شڪايت ڪندڙ کي اعتراض وارين تصويرون ۽ وڊيوز ذريعي بليڪ ميل ڪندو هو.ايف آءِ اي ترجمان جو چوڻ آهي ته سائبر ڪرائم سرڪل فيصل آباد آن لائين فراڊ ۾ ملوث جوابدار حسن رضا کي گرفتار ڪري ورتو آهي، سمورن جوابدارن خلاف پيڪا ايڪٽ تحت ڪيس داخل ڪيو ويو آهي.
