پشاور: (ويب ڊيسڪ) آرمي پبلڪ اسڪول سانحي جي اڄ 10 ورسي ملهائي پئي وڃي. 16 ڊسمبر سال 2014 تي امن ۽ تعليم جي دشمنن آرمي پبلڪ اسڪول تي حملو ڪيو، دهشتگرد اسڪول جي پٺئين رستي کان صبح جو 10 وڳي عمارت ۾ داخل ٿيا، انهي وقت اٺين، نائين ۽ ڏهين ڪلاس جا شاگرد آڊيٽوريم ۾ تربيت ۾ مصروف هئا.دهشتگردن هال ۾ داخل ٿيندي ئي انڌاڌنڌ فائرنگ شروع ڪري ڏني ۽ اي پي ايس جي ڀتن کي رت سان رڱي ڇڏيو، دهشتگردن جي فائرنگ سبب پرنسپل، استادن، شاگردن ۽ ٻئي عملي سميت 140 کان وڌيڪ ماڻهو شهيد ٿي ويا.سيڪيورٽي فورسز جي جوانن ڀرپور ڪارروائي ڪندي دهشتگردن کي انهن جي انجام تائين پهچايو. اي پي ايس سانحي دهشتگردي جي خلاف جنگ ۾ ارادا مضبوط ڪيا. نيشنل ايڪشن پلان جوڙيو ويو جنهن سان قبائلي علائقن مان دهشتگردي جو خاتمو ممڪن ٿيو.جنهن کان پوءِ اي پي ايس حملي ۾ ملوث 6 دهشتگردن کي سيڪيورٽي فورسز گرفتار ڪيو جن کي ملٽري ڪورٽس موت جون سزائون به ٻڌايون. آرمي پبلڪ اسڪول سانحي کي 10 سال ته گذري ويا پر انهي افسوسناڪ واقعي جون يادون اڄ به دلين ۾ زنده آهن.اي پي ايس سانحي جي ياد ۾ اڄ لاهور ۽ جاڙن شهرن ۾ تعليمي ادارا بند آهن جڏهن ته گجرات ۽ سيالڪوٽ ۾ به تعليمي ادارن کي بند رکڻ جو فيصلو ڪيو ويو آهي.
