دبئي(ويب ديسڪ) ٽي ٽوئنٽي ورلڊ ڪپ جي سپر 12 مرحلي ۾ اڄ ميچ ٿيندا. پهريون ميچ 3 وڳي افغانستان ۽ نميبيا ۾ کيڏيو ويندو ۽ ٻيو اهم ميچ نيوزيلينڊ ۽ ڀارت کيڏندا. ٻنهي اهم ٽيمن کي پاڪستان هارائي چڪو آهي. ڪيوي فاسٽ بالر ٽرينٽ بولٽ جو چوڻ آهي ته هو پاڪستان جي فاسٽ بالر شاهين شاهه آفريدي وانگر بالنگ ڪري ڀارتي اوپنر روهت شرما جو جلدي شڪار ڪندو. ٽرينٽ بولٽ جو چوڻ آهي ته شاهين جهڙي طرح بالنگ ڪئي اها تعريف جي لائق آهي، پاڪستان جيان اسان جو به حدف ڀارت جي ٽاپ آرڊر کي جلد پويلين موڪلڻ آهي. ڪالهه انگلينڊ آسٽريليا کي ۽ ڏکڻ آفريڪا سريلنڪا کي شڪست ڏني هئي.
