لنڊن(ويب ڊيسڪ)انگلش ڪرڪيٽ ٽيم جي اڳوڻي ڪپتان مائيڪل وان پاڪستان سپر ليگ کي دنيا جو بهترين ٽورنامينٽ قرار ڏئي ڇڏيو آهي. هي پهريون موقعو ناهي ته مائيڪل وان پاران پي ايس ايل لاءِ هاڪاري ۽ سٺا لفظ ٻڌا هجن، ان ۾ ڪو شڪ نه آهي ته پاڪستان سپر ليگ ۾ ڪرڪيٽ جو معيار شاندار آهي. مائيڪل وان پنهنجي تازي ٽوئيٽ ۾ چيو آهي ته هن ليگ ۾ رانديگرن جو معيار تمام سٺو آهي، پي ايس ايل جي پڄاڻي تائين مداحن جي دلچسپي برقرار آهي، جڏهن ته ٻين ٽورنامنٽس ۾ ائين نه ٿيندو آهي. هن چيو ته هن ليگ ۾ ڪرڪيٽ جو معيار به بهترين آهي جنهن مان تماشائي تمام گهڻو خوش آهن. واضح رهي ته ملتان سلطانز پاڪستان سپر ليگ 7 جي فائنل لاءِ ڪواليفائي ڪري ورتو آهي جڏهن ته ٻي ٽيم جو فيصلو 25 فيبروري تي ٿيندو.
