ڪراچي (ويب ڊيسڪ) ون ڊي ۽ ٽي ٽوئنٽي جي قومي ڪرڪٽ ٽيم جي ڪپتان بابر اعظم چيو آهي ته زمبابوي خلاف ڀرپور تياري ڪري رهيا آهيون ۽ ڪوشش آهي ته سيريز کٽي اعتماد سان نيوزيلينڊ روانا ٿيون. پي سي بي جي پوڊ ڪاسٽ ۾ خطاب ڪندي هن چيو ته اها سٺي ڳالهه آهي ته دنيا ۾ ڪورونا وائرس جي باوجود ڪرڪٽ جاري آهي. هن چيو ته هاڻي ڪورونا سبب حفاظتي اپائن واري ماحول ۾ رهڻ جا عادي ٿي ويا آهيون. هن چيو ته انگلينڊ جي وڪيٽ ۾ بائونس آهي ۽ ان سان بيٽنگ پريڪٽس بهتر ٿئي ٿي. انگلينڊ جي سيريز بعد سمر سٽ ڪائونٽي ۾ کيڏڻ سان سٺو فائدو ٿيو. هن ٻڌايو ته هو لاهور مان اڄ راولپنڊي روانو ٿيندو جتي سينٽرل پنجاب جي ڊوميسٽڪ ڪپ ۾ ٽيم جي قيادت ڪندو.
