ڪراچي(ويب ڊيسڪ)پنج ملڪي باسڪيٽ بال ٽورنامينٽ ۾ پاڪستان دلچسپ مقابلي کانپوءِ مالديپ کي شڪست ڏئي ڇڏي.ميزبان ملڪ مالديپ خلاف سنسني خیز ميچ ۾ پاڪستان 63 جي مقابلي ۾ 65 رنسن سان ڪاميابي حاصل ڪئي.راند جي آخري منٽن ۾ ٻنهي ٽيمن وچ ۾ انتهائي دلچسپ مقابلو ٿيو، پهرئين 3 ڪوارٽر ۾ پاڪستان کي واضح برتري حاصل هئي، آخري ڪوارٽر ۾ مالديپ شاندار راند کيڏي.پاڪستان طرفان زين الحسن خان شاندار راند ڪندي 22 پوائنٽون حاصل ڪيون، جڏهن ته ضياء الرحمان 15 ۽ احمد عماد 13 پوائنٽس اسڪور ڪيا.پاڪستان جي باسڪيٽ بال ٽيم 7 سالن کانپوءِ ڪو انٽرنيشنل ايونٽ کيڏي رهي آهي، ان جو ايندڙ ميچ ڇنڇر تي ڀوٽان سان ٿيندو.
