ڪراچي (ويب ڊيسڪ) باسڪيٽ بال کيڏڻ لاءِ قد کان وڌيڪ دل جي ڳالهه هوندي آهي. آمريڪي رياست نيويارڪ ۾ باسڪيٽ بال ٽيم هارليم گلوبيٽروٽرز لاءِ کيڏندڙ جاهه ماني لو سوانسن جو قد ته صرف 4 فوٽ آهي پر ان جو عزم ۽ حوصلو تمام گهڻو مضبوط ۽ بلند آهي. رانديگر ميڊيا سان ڳالهائيندي چيو ته باسڪيٽ بال کيڏڻ لاءِ قد کان وڌيڪ دل جي ضرورت پوندي آهي جيڪڏهن توهان وٽ دل موجود آهي ته پوءِ قد سان ڪو به فرق نه ٿو پوي. هن جو چوڻ هو ته دنيا ۾ ڪيترائي وڏي قد وارا ماڻهو موجود آهن پر انهن هن وقت تائين ڪجهه ناهي ڪيو ڇاڪاڻ ته هنن وٽ هڪ مضبوط دل ناهي ۽ اهي عزم جا ڪچا هوندا آهن جيڪڏهن دل مضبوط ۽ ارادو پڪو هجي ته قد ڪاٺ ڏسڻ جي ضرورت ئي نه پوندي آهي.
