فرينڪفرٽ (ڊيسڪ نيوز) هُنڊا ڪمپني مڪمل طور بجلي تي هلندڙ منفرد گاڏي (اي) جي قيمت ۽ ايندڙ سال صارفين لاءِ دستياب هجڻ جو اعلان ڪري ڇڏيو آهي. فرينڪفرٽ موٽر شو دوران هنڊا ڪمپني بجلي تي هلندڙ گاڏي جي حتمي فيچرز ۽ قيمت بابت ڄاڻ ڏيندي اهو به ٻڌايو ويو ته ان جا پروٽوٽائپ جا وڌيڪ فيچرز اصل گاڏي ۾ موجود هوندا. گاڏي جو بيسڪ ماڊل 35.5 ڪلو واٽ بيٽري سان ليس هوندو جڏهن بيٽري فل جارچ هجڻ تي 220 ڪلوميٽر تائين سفر ڪري سگهندي جڏهن ته بيٽري چارج ڪرڻ لاءِ تڪڙي چارجنگ سپورٽ به ڏني وئي آهي جيڪا 30 منٽن ۾ 80 فيصد بيٽري چارج ڪري سگهي ٿي. گاڏي جو اندروني ڊيزائن 2017 جي ڪانسپيٽ ڊيزائن جهڙي آهي جنهن ۾ ڊجيٽل انسٽرومنٽ ڪلسٽر، ايڪسٽرا وائيڊ ٽچ اسڪرين، انفوٽمينٽ سسٽم ۽ ڪئمرا لنڪ ريئر، اي سي ۽ ريڊيو لاءِ فزيڪل ڪنٽرول به ڏنو ويو آهي. ٻاهرين انفوٽينمنٽ لاءِ 12.3 انچ جي 2 ايل سي ڊي ٽچ اسڪرين ڏنيون وينديون جڏهن ته 8.8 انچ اسڪرين ڊرائيور جي انسٽرومنٽ ڪلسٽر جو ڪم ڪندي. ان کان علاوهه گاڏي ۾ ڊجيٽل اسسٽنٽ، ماءِ هنڊا پلس سروس ۽ ايب وغيرهه به موجوده هونديون جيڪي صارفين کي سيڪيورٽي، لوڪيشن، مانيٽرنگ ۽ ٻيون فيچرز فراهم ڪنديون. واضح رهي ته اها گاڏي ايندڙ سال گرمين جي موسم ۾ برطانيا ۽ جرمني ۾ ترتيب وار 26 هزار 160 پائونڊز ۽ 29 هزار 470 يورو يعني (50 لک پاڪستاني رپين کان وڌيڪ) ۾ وڪڻڻ لاءِ پيش ڪئي ويندي.
