اسلام آباد)بيورو رپورٽ) ايندڙ مالي سال 25-2024 جي بجيٽ ۾ وزيراعظم جي رليف پيڪيج لاءِ فنڊز مختص ڪرڻ جو امڪان آهي.ذريعن موجب صنعت ۽ پيداوار واري وزارت يوٽيلٽي اسٽورز کان نئين مالي سال لاءِ تجويزون طلب ڪري ورتيون آهن.وزيراعظم پيڪيج جي تجويزن کي نئين مالي سال جي بجيٽ جو حصو بڻايو ويندو، وزيراعظم جو رليف پيڪيج 30 جون تي ختم ٿي ويندو.وزيراعظم جي رليف پيڪيج تحت 5 بنيادي شين تي سبسڊي ڏني پئي وڃي.بي آءِ ايس پي جي گراهڪن لاءِ کنڊ، اٽو، گيهه، دال ۽ چانور سبسڊي ڏني ويندي.وزيراعظم پيڪيج تحت 3 ارب رپيا ماهوار سبسڊي ڏني پئي وڃي. يوٽيلٽي اسٽورن تي بي آءِ ايس پي جي گراهڪن لاءِ کنڊ جو اگهه 109 رپيا في ڪلو، اٽي جو 10 ڪلو ٿيلهو 648 رپيا ۽ گهي جو اگهه 393 رپيا في ڪلو آهي.
