لنڊن( ويب ڊيسڪ) برطانيا جي شاهي جوڙي 5 ڏينهن جي پاڪستاني دوري جو اعلان ڪري ڇڏيو آهي. شاهي محل جي ترجمان جاري ڪيل ٽوئيٽ ۾ ٻڌايو آهي ته شهزادو وليم ۽ سندس گهرواري شهزادي ڪيٽ مڊلٽن 14 کان 18 آڪٽوبر تائين پاڪستان جو دورو ڪندا. هو پاڪستان جي دوري کان اڳ 2 آڪٽوبر تي لنڊن ۾ سندن مان منعقد ٿيندڙ آغا خان فائونڊيشن جر هڪ خصوصي تقريب ۾ به شريڪ ٿيندا. پاڪستان ۾ هو ڪٿي ڪٿي ويندا ان جو اڃا اعلان ناهي ڪيو ويو. ذريعن جو چوڻ آهي ته هو لنڊي ڪوتل ۾ خيبر رائيفلز جي تاريخي ميس ۽ اترين علائقن جو به سير ڪندا.
