اسلام آباد (بيورو رپورٽ)وزيراعظم شهباز شريف چيو آهي ته بلوچستان جي ترقي وفاقي حڪومت جي اولين ترجيحن ۾ شامل آهي. وزيراعظم شهباز شريف سان وزيراعليٰ بلوچستان سرفراز بگٽي ملاقات ڪئي ۽ کيس عيدالفطر جي مبارڪباد پيش ڪئي. وزيراعظم ۽ وزيراعليٰ بلوچستان جي ملاقات دوران بلوچستان جي موجوده اقتصادي، سماجي ۽ امن و امان جي صورتحال تي ڳالهه ٻولهه ڪئي وئي، جڏهن ته وفاقي حڪومت جي بلوچستان لاءِ جاري ترقياتي منصوبن تي به خيالن جي ڏي وٺ ٿي. وزيراعليٰ بلوچستان وزيراعظم کي صوبي جي ترقي بابت جاري منصوبن جي اڳڀرائي کان آگاهه ڪيو. وزيراعظم شهباز شريف چيو ته بلوچستان جي ترقي لاءِ وفاقي حڪومت هر ممڪن سهڪار فراهم ڪندي، صوبائي ترقي وفاق جي اولين ترجيحن مان آهي، ۽ بلوچستان جي ترقي لاءِ سڀئي ضروري قدم کنيا ويندا.
