بيجنگ(ويب ڊيسڪ) چين جي ايٿليٽ زينگ تائو جي ويڊيو وائرل ٿي آهي جنهن ۾ هو پنهجنجي ٻن سالن نياڻي سان ويڊيو ڪال تي ڳالهائي رهيو آَهي.’ڌيءَ مونکي ڏس ٻئي بانهون نه هجڻ باوجود مان تيزي سان تري سگهان ٿو‘ ٽوڪيو اولمپڪس ۾ ترڻ جي مختلف مقابلن ۾ هن سون جا 4 تمغا کٽيا هئا. هن سوئمر جون ننڍپڻ ۾ ٻئي ٻانهون بجلي جي جهٽڪي ۾ ضايع ٿي ويون هيون پر هن همت نه هاري ۽ سوئمنگ ۾ نالو ڪمايو. تازو هن 50 ميٽر جي سوئمنگ جو رڪارڊ قائم ڪندي 31.42 سيڪنڊ ۾ اها سوئمنگ مڪمل ڪئي.
