ڪراچي (ويب ڊيسڪ) پاڪستان بنگلاديش خلاف ٽيسٽ سيريز لاءِ 16 رڪني اسڪواڊ جو اعلان ڪري ڇڏيو آهي. پاڪستان ڪرڪيٽ بورڊ جي چيف سليڪٽر مصباح الحق بنگلاديش خلاف ٽيسٽ سيريز لاءِ اظهر علي کي ڪپتان برقرار رکندي شان مسعود، بابر اعظم، اسد شفيق، حارث سهيل، عابد علي، محمد عباس، ياسر شاهه ۽ شاهين آفريدي جي نالن جو اعلان ڪيو. امام الحق، محمد رضوان، عمران خان ۽ نسيم شاهه به قومي ٽيم ۾شامل ڪيا ويا. فواد عالم کي هڪ ڀيرو ٻيهر قومي ٽيم ۾ شامل ڪيو ويو آهي جڏهن ته بلال آصف ۽ فهيم اشرف کي به بنگلاديش خلاف سيريز لاءِ قومي اسڪواڊ جو حصو بڻايو ويو آهي. چيف سليڪٽر قومي ٽيم چيو ته ٽيسٽ ڪرڪيٽ ۾ تجربيڪار رانديگرن کي شامل ڪيو ويندو آهي ۽ بنگلاديش خلاف سيريز لاءِ ڪنڊيشن کي سامهون رکندي ٽيم ۾ تبديليون ڪيون ويون آهن.
