اسلام آباد(بيورو رپورٽ)جمعيت علماءِ اسلام (جي يو آءِ ف) جي سربراهه مولانا فضل الرحمان چيو آهي ته آئيني ترميم لاءِ چيو ويو هو ته آچر تي ڪيو وڃي، ٻي صورت ۾ سومر تي آسمان ڪري پوندو،اسلام آباد ۾ پريس ڪانفرنس ڪندي هن چيو ته شنگهائي تعاون تنظيم (ايس سي او) اجلاس جي موقعي تي سياسي اختلافن کان بالاتر ٿي سوچڻ گهرجي، سياسي اختلافن کي اتحاد ۾ تبديل ڪرڻ گهرجي.هن چيو ته اسرائيل وحشيانه رياستي دهشتگردي ڪري رهيو آهي، اسرائيل غزه جي مسلمانن کي دهشتگردي ڪري قتل ڪري رهيو آهي، امت مسلمه جو فرض آهي ته اسرائيل جي دهشتگردي کي روڪي.مولانا فضل الرحمان چيو ته امت مسلمه جي خاموشي ڳڻتي جوڳي آهي، اسرائيل مغربي دنيا ۽ آمريڪا جا هٿيار استعمال ڪري رهيو آهي.هن چيو ته آئيني ترميم لاءِ چيو ويو هو ته آچر تي ڪيو وڃي، ٻي صورت ۾ سومر تي آسمان گوڙ ٿيندو. حڪومت کان مطالبو آهي ته ايس سي او اجلاس ختم ٿيڻ تائين آئيني ترميمن کي ملتوي ڪيو وڃي.سياسي اختلافن کي اتحاد ۾ تبديل ڪرڻو پوندو.جي يو آءِ (ف) سربراهه چيو ته هو آئيني ترميم تي حڪومت سان ڪنهن به صورت ۾ نه ويهندا.حيرت آهي ته آئيني ترميمن جي تڪڙي ڪهڙي ضرورت آهي.مولانا فضل الرحمان چيو ته آئيني ترميم جي معاملي ۾ جلد بازي قبول ناهي، اسان 18هين ترميم لاءِ 9 مهينا سوچيو هو.هن چيو ته جيڪڏهن اسان جو ۽ اسان جو ووٽ ايترو ئي قيمتي آهي ته پوءِ اسان کي ٻڌو وڃي، ميچ فڪسنگ، خريد و فروخت نه ٿيڻ گهرجي.
