اسلام آباد (بيورو رپورٽ)اسلام آباد هاءِ ڪورٽ پاڪستان تحريڪ انصاف جي چيئرمين عمران خان خلاف توشه خانه فوجداري ڪيس کي قابل قبول قرار ڏيڻ واري ٽرائل ڪورٽ جي فيصلي کي ڪالعدم قرار ڏئي ڇڏيو آهي.ته سيشن ڪورٽ ڪيس جي ٻڌڻي ڪري ٻيهر فيصلو جاري ڪري.اسلام آباد هاءِ ڪورٽ پي ٽي آءِ چيئرمين جي دفاع جو حق ختم ڪرڻ واري درخواست تي نوٽيس جاري ڪندي ڌرين کان ايندڙ هفتي جواب طلب ڪري ورتو آهي.عدالت توشه خانه فوجداري ڪيس همايون دلاور عدالت منتقل ڪرڻ جي عمران خان جي درخواست رد ڪري ڇڏي.جڏهن ته اسلام آباد هاءِ ڪورٽ توشاخانا ڪيس کي قابل قبول قرار ڏيڻ واري سيشن ڪورٽ جي فيصلي کي ڪالعدم قرار ڏيندي ڪيس واپس سيشن ڪورٽ ڏانهن موڪلي ڇڏيو آهي.عدالت دليلن کي ٻيهر ٻڌي ۽ فيصلو ڪري ته توشه خانه فوجداري ڪيس قابل سماعت آهي يا نه،اسلام آباد هاءِ ڪورٽ تفصيلي حڪم نامي ۾ چيو آهي ته ڪيس ٻيهر ٽرائل ڪورٽ کي فيصلي لاءِ موڪليو پيو وڃي.عدالت کي وڌيڪ ٻڌايو ويو ته ڪيس جي ٻڌڻي اڄ حتمي دليلن لاءِ مقرر ڪئي وئي آهي.حڪم ۾ وڌيڪ چيو ويو آهي ته عدالت جڏهن معاملو حتمي دليلن لاءِ طئي ڪري ته درخواست گذار کي يقيني بڻائڻ گهرجي ته معاملي تي دليلن کي مثبت انداز ۾ حل ڪيو وڃي.ٽرائل ڪورٽ ڪيس جو فيصلو ڪندي لاڳاپيل درخواستن ۾ اٿاريل مسئلا حل ڪندي.اسلام آباد هاءِ ڪورٽ سيشن ڪورٽ جي جج همايون دلاور جي فيس بڪ پوسٽن جو معاملو جاچ لاءِ ايف آءِ اي حوالي ڪري ڇڏيو آهي. عدالت چيو ته ايف آءِ اي ڪيس ۾ ملوث ماڻهن کان پڇاڻو ڪري سگهي ٿي، 10 ڏينهن اندر ايف آءِ اي جج جي فيس بڪ پوسٽن بابت رپورٽ پيش ڪندي.پي ٽي آءِ چيئرمين عمران خان طرفان وڪيل خواجا حارث ۽ بئريسٽر گوهر علي عدالت ۾ پيش ٿيا، جڏهن ته اليڪشن ڪميشن جو وڪيل امجد پرويز به موجود هو.
