لنڊن (ويب ڊيسڪ)هالي ووڊ اداڪارا بليڪ لائيولي پنهنجي ڪو-اسٽار ۽ ڊائريڪٽر جسٽن بيلڊوني تي جنسي هراساني جو الزام هنيو آهي.پرڏيهي ميڊيا موجب 37 سالن جي بليڪ ليولي 40 ورهين جي جسٽن بيلڊوني خلاف به جنسي هراساني جو ڪيس داخل ڪرايو آهي.ميڊيا رپورٽن موجب ان ڪيس جي خبر ساڳئي سال رليز ٿيل هالي ووڊ فلم (اِٽ اينڊز ود ايس) جي شوٽنگ دوران لاڳاپا خراب ٿيڻ کان ڪجهه مهينا پوءِ سامهون آئي آهي.اداڪارا پاران داخل ڪرايل مقدمي ۾ فلم جي پروڊڪشن دوران جسٽن بيلڊوني جي مبينا روين ۽ ڪمن بابت ڪيترائي الزام لڳايا ويا آهن.پرڏيهي ميڊيا موجب ڪيس ۾ اداڪارا جسٽن بيلڊوني تي وزن بابت نامناسب تبصرو ڪرڻ، غير اخلاقي موضوعن تي بحث ۽ ٻين شين تي سڀني جي سامهون الزام لڳايو آهي.ٻئي طرف اداڪار جي وڪيل برائن فريڊمين مقدمي جي جواب ۾ الزامن کي ڪوڙو ۽ اشتعال انگيز قرار ڏنو آهي.وڪيل جو چوڻ آهي ته اداڪارا بليڪ ليويلي شوٽنگ ڇڏڻ ۽ فلم جي پروموشن نه ڪرڻ جي ڌمڪي ڏني، جنهن سبب فلم جي رليز به متاثر ٿي.
