روھڙي (رپورٽ امان الله سومرو) فُٽ بال لورز گروپ سکر جي زير انتظام 14 آگسٽ 2020 جشن آزادي جي خوشي جي موقعي تي 14 آگسٽ روھڙي جي لوڪوشيڊ فوٽ بال گرائونڊ ۾ شھيد ارشاد فوٽ بال ڪلب سکر ۽ يونين فوٽ بال ڪلب سکر جي وچ ۾ جشن آزادي فوٽ بال ڪپ ميچ کيڏيو ويندو، جشن آزادي فوٽ بال ڪپ ميچ جي آرگنائيزنگ ڪميٽي جي ميمبرن سراج احمد سامٽيو، اسفند يار منگي، زاھد سعيد، عبدالستار بروھي ۽ ٻين روزاني سنڌيار سان ڳالهائيندي چيو آهي ته جشن آزادي فوٽ بال ڪپ جون تياريون مڪمل ڪيون ويون آهن ۽ ميچ ۾ سکر ۽ روهڙي جي سياسي سماجي شخصيتن سميت فٽ بال لورز پاران وڏي انگ ۾ شرڪت ڪئي ويندي.
