لاهور(ويب ڊيسڪ)قومي ڪرڪيٽر عثمان قادر چيو آهي ته اميد آهي ته جلد پاڪستاني ٽيم ۾ واپسي ڪندس، ان لاءِ مون کي رنسون ٺاهڻ ۽ وڪيٽون وٺڻيون پونديون.لاهور ۾ ميڊيا سان ڳالهائيندي عثمان قادر جو چوڻ هو ته ٽيم مان ڊراپ ٿيڻ کانپوءِ هميشه ڪيمپ ۾ اچڻ جي اميد آهي، بدقسمتي سان مون کي اسپنرز جي ڪيمپ ۾ دعوت نه ڏني وئي پر منهنجو حوصلو بلند آهي ڇو ته مان هميشه مثبت سوچندو آهيان. مون کي پهريان رنسون ٺاهڻيون آهن ۽ وڪيٽون وٺڻيون آهن پوءِ بيان بازي ڪري سگهندس.عثمان قادر جو چوڻ آهي ته منهنجي واپسي تڏهن ئي ممڪن ٿي سگهي ٿي جڏهن مان ڊوميسٽڪ يا ليگز ۾ رنسون اسڪور ڪريان ۽ وڪيٽون وٺان، منهنجي فٽنس جو ڪو مسئلو ناهي.هن چيو ته مان اهو نٿو ٻڌائي سگهان ته مان ڪيمپ ۾ ڇو نه هئس، جن ڊراپ ڪرڻ جو فيصلو ڪيو اهي ئي ٻڌائي سگهن ٿا، هاڻي مون کي وڌيڪ سکڻو آهي ته جيئن واپسي سٺي ٿئي.عثمان قادر شاداب خان ۽ اساما مير لاءِ نيڪ خواهشن جو اظهار ڪندي چيو ته دعا آهي ته اهي وڌيڪ ڪامياب ٿين، منهنجي به ڪوشش آهي ته سٺي بيٽنگ ڪري ڇو ته آل رائونڊرز ۾ به پنهنجي جاءِ ٺاهڻ چاهيان ٿو.
