ڪراچي (ويب ڊيسڪ) ڪراچي پوليس چيف جاويد عالم اوڌو شهر ۾ حادثن جي روڪٿام لاءِ صبح 6 کان رات 11 وڳي تائين ڊمپر هلائڻ تي پابندي لڳائي ڇڏي. نجي ٽي وي چينل سان ڳالهائيندي جاويد عالم اوڍو چيو ته شهر ۾ هر ٻيو حادثو موتمار ثابت ٿي رهيو آهي، حادثن کان بچڻ لاءِ صبح 6 کان رات 11 وڳي تائين ڊمپر هلائڻ تي پابندي لڳائي وئي آهي.هن چيو ته ڪراچي ۾ قيمتي انساني جانيون ضايع ٿي رهيون آهن، ڏوهاري وڏي انگ ۾ گرفتار ۽ ماريا وڃن ٿا پر ٻئي پاسي پوليس لاءِ نئون چئلينج سامهون آيو آهي.سندس چوڻ هو ته شهر ۾ هن سال 900 جي لڳ ڀڳ حادثا ٿيا، جن مان بدقسمتي سان 50 سيڪڙو کان وڌيڪ حادثا موتمار ثابت ٿيا.جاويد عالم اوڍو چيو ته موٽر سائيڪل سوارن ۽ رڪشا ڊرائيورن خلاف آگاهي مهم کانپوءِ ايڪشن ٿيندو، هر صورت ۾ ٽريفڪ قانونن تي عمل چاهيون ٿا، ڏنڊ به لڳندا ۽ گرفتاريون به ٿينديون.
