لاهور (ويب ڊيسڪ)پاڪستان ڪرڪيٽ بورڊ مئنيجمينٽ ڪميٽي جي چيئرمين ذڪا اشرف اڳوڻي ٽيسٽ ڪرڪيٽر محمد حفيظ سان ملاقات ڪئي، جنهن کانپوءِ پي سي بي جي نئين سيٽ اپ ۾ اڳوڻي ٽيسٽ ڪرڪيٽر کي اهم ذميواريون ملڻ جو امڪان آهي.ذريعن موجب ملاقات ۾ محمد حفيظ ذڪا اشرف کي مئنيجمينٽ ڪميٽي جو چيئرمين بڻجڻ تي مبارڪباد ڏني ۽ محمد حفيظ چيو ته ذڪا اشرف سٺو ايڊمنسٽريٽر آهي، مان سندس دل جي گهراين کان احترام ڪريان ٿو.محمد حفيظ چيو ته پاڪستان ڪرڪيٽ جي بهتري لاءِ جيڪڏهن ڪا سٺي آڇ آئي ته ضرور قبول ڪندس.ذريعن جو چوڻ آهي ته پي سي بي مئنيجمينٽ ڪميٽي جي چيئرمين ذڪا اشرف محمد حفيظ کي چيف سليڪٽر جي عهدي جي آڇ ڪئي آهي.ذريعن جو چوڻ آهي ته اڳوڻي ٽيسٽ ڪرڪيٽرن يونس خان ۽ سليم يوسف کي به سليڪشن ڪميٽي ۾ ذميواريون ملڻ جو امڪان آهي، جڏهن ته محسن حسن خان کي به سليڪشن ڪميٽي ۾ ذميواريون ملڻ جو امڪان آهي.ذريعن موجب محمد حفيظ ۽ ذڪا اشرف وچ ۾ ملاقات ۾ اڳوڻي اسپيڊ اسٽار شعيب اختر کي پي سي بي جي نئين سيٽ اپ ۾ شامل ڪرڻ تي به غور ڪيو ويو.
