اسلام آباد (بيورو رپورٽ)اڳوڻي وفاقي وزير شيخ رشيد احمد چيو آهي ته هنن حڪمرانن کان جيڪو ڪم وٺڻو هو اهو ورتو ويو آهي. اسلام آباد ۾ عدالت ٻاهران ميڊيا سان ڳالهائيندي هن چيو ته هاڻي چئي رهيا آهن ته انڊا ۽ ٽماٽا آهن، توهان ٻه پارٽيون نفرت جي نشاني آهيو، هر ڪو توهان کان نفرت ڪري ٿو. هن چيو ته اڄ مان الله جي مدد سان باعزت بري ٿي ويو آهيان، هاڻي رڳو دهشتگردي جا 14 ڪيس بچيا آهن، جڏهن اهو واقعو ٿيو ته مان هتي نه هوس پر دهشتگردي جا ڪيس ٺاهيا ويا. شيخ رشيد چيو ته ماڇي، لسبيلا، مري ۾ اهڙا ڪيس هئا جيڪي مون نه ڏٺا، هارين کي ڪڻڪ جو اگهه اڳ ئي ناهي ملي رهيو، هي آءِ ايم ايف جي حڪومت جو ظلم آهي. اڳوڻي وفاقي وزير چيو ته ڀارت کي ڪرڪيٽ نه کيڏڻ گهرجي ته ڀارت ڪشمير ۾ ڇا ڪري رهيو آهي؟
