راولپنڊي: (ويب ڊيسڪ) عوامي مسلم ليگ جي سربراهه شيخ رشيد احمد چيو آهي ته حڪومت ۽ پي ٽي آءِ وچ ۾ ڳالهين جو ڪوبه حل نه نڪرندو. ڇو ته قبر هڪ ماڻهو 2 آهن، هڪ کي اندر وڃڻو آهي.راولپندي ۾ دهشتگردي جي انت واري عدالت ٻاهران صحافين سان ڳالهيون ڪندي شيخ رشيد چيو ته ڳالهيون بهتر عمل آهي، ڳالهين سان ڪجهه نه نڪتو ته پوءِ جوڊو ڪراٽي ۽ بئنڪاڪ جا شعلا آهن.شيخ رشيد چيو ته 26 نومبر هڪ خوفناڪ، دهشتناڪ ۽ ظلم ستم جو ڏينهن هو انهي جي جيتري مذمت ڪئي وڃي گهٽ آهي مان ڳالهين جو حامي هئس ۽ حامي آهيان منهنجو صرف هڪ ماڻهو سان تعلق آهي اهو پي ٽي آءِ باني آهي.هن چيو ته عمران خان سان ڊگهي ملاقات ٿي، ٻاهر اچي مون چيو ته ڳالهين کي مختصر رکو ته بهتر آهي اڳوڻي وزيراعظم مون کي چيو ته اوهان ۽ مان هڪ ئي آهيون. اڳ ئي چيو هو ته 30 ڊسمبر تائين عدم استحڪام ٿيندو. خوني 26 نومبر گذري وئي، سعودي عرب کان ٿي آيو آهيان هر ماڻهو چوي ٿو ته خدا پاڪستان کي محفوظ رکي.عوامي مسلم ليگ جي سربراهه وڌيڪ چيو ته ڳالهين جو حامي هئس ۽ آهيان ڳالهين سان ئي حل نڪرندو آهي. دنيا ۾ جنگ کان پوءِ به ڳالهيون ٿينديون آهن، منهنجو صرف هڪ ماڻهو سان تعلق آهي ۽ اهو پي ٽي آءِ باني آهي ٻين کي مان نٿو سڃاڻان.
