دادو (ن س )دادو شهر ۾ هٿياربندن هٿان نوجوان بيدردي سان قتل ٿي ويو آهي. بي سيڪشن ٿاڻي جي حد ۾ هٿياربندن گولي هڻي عمران سولنگي کي زخمي ڪري ڇڏيو. اطلاع ملڻ بعد پوليس واقعي واري هنڌ پهچي زخمي کي ڳڻتي جوڳي حالت ۾ کڻائي ڊي ايڇ ڪيو اسپتال پهچايو، جتي هن زخمن جا سور نه سهندي دم ڌڻي حوالي ڪيو. اسپتال مان ضروري ڪارروائي بعد مڙهه وارثن حوالي ڪيو ويو. پوليس جو چوڻ آهي ته اطلاع ملڻ بعد ڪرائيم سين جو جائزو ورتو آهي، دڪان مان رپيٽر به هٿ ڪيو ويو آهي، وڌيڪ جاچ ڪئي پئي وڃي.
