پشاور (ويب ڊيسڪ)پشاور هاءِ ڪورٽ آئيني ترميم خلاف داخل درخواستن تي ٻڌڻي لاءِ لارجر بينچ جوڙڻ جو فيصلو ڪيو آهي.پشاور هاءِ ڪورٽ ٽن صفحن تي ٻڌل لکت ۾ حڪم جاري ڪندي چيو آهي ته آئيني ترميمن خلاف داخل درخواستن جي ٻڌڻي لارجر بينچ ڪندي.عدالت پنهنجي حڪم ۾ چيو ته درخواستن ۾ آئيني سوال آهن، آئيني تشريح جي ضرورت آهي. وفاقي حڪومت، اٽارني جنرل ۽ ايڊووڪيٽ جنرل کي نوٽيس جاري ڪيا ويا آهن.پشاور هاءِ ڪورٽ چيو آهي ته درخواستگذار موجب وفاقي حڪومت آئين ۾ ترميم ڪري رهي آهي ۽ تجويز ڪيل آئيني ترميمن ۾ عوام بنيادي اسٽيڪ هولڊر آهن پر آئيني ترميم ۾ عوام جي راءِ کي شامل نه ڪرڻ آئين جي ڀڃڪڙي آهي.حڪم ۾ وڌيڪ چيو ويو آهي ته درخواستگذار موجب 18هين ترميم جو مسودو منظرعام تي آندو ويو.جنهن بعد عدالت ڪيس جي ايندڙ ٻڌڻي 15 آڪٽوبر تائين ملتوي ڪري ڇڏي.
