ڪراچي(اسپورٽس نيوز)ايڇ بي ايل پاڪستان سپر ليگ (پي ايس ايل) سيزن 9 جي فائنل ۾ اسلام آباد يونائيٽيڊ دلچسپ مقابلي کانپوءِ ملتان سلطانز کي شڪست ڏئي ٽائيٽل پنهنجي نالي ڪري ورتو. ملتان پاران ڏنل 160 رنسن جو هدف اسلام آباد يونائيٽيڊ آخري بال تي 8 وڪيٽن جي نقصان تي حاصل ڪري ورتو ۽ 2 وڪيٽن تان ڪاميابي حاصل ڪري ٽيون ڀيرو پي ايس ايل چيمپيئن بڻجي وئي.ڪراچي جي نيشنل اسٽيڊيم ۾ کيڏيل ميچ ۾ ملتان سلطانز ٽاس کٽي اسلام آباد يونائيٽيڊ خلاف بيٽنگ جو فيصلو ڪيو.ملتان سلطانز پهريان کيڏندي مقرر 20 اوورن ۾ 9 وڪيٽن جي نقصان تي 159 رنسون ٺاهيون.ملتان سلطانز طرفان عثمان خان 57 رنسون ٺاهيون، محمد رضوان 26 رنسون ٺاهيون.افتخار احمد 32 رنسن جي ناٽ آئوٽ جارحاڻي اننگز کيڏي، هن 20 بالن تي 3 ڇڪا ۽ 3 چوڪا هنيا.اسلام آباد يونائيٽيڊ طرفان عماد وسيم 23 رنسون ڏئي پنج وڪيٽون ورتيون.
