ڪراچي: (اسٽاف رپورٽر) سنڌ حڪومت اڳوڻي وزيراعظم ذوالفقار علي ڀٽو جي ورسي تي عام موڪل جو اعلان ڪري ڇڏيو آهي. جنهن جو نوٽيفڪيشن به جاري ڪيو ويو آهي.سڀاڻي پيپلز پارٽي جي باني جي 46هين ورسي ملهائي ويندي، انهي حوالي سان سنڌ جي چيف سيڪريٽري آصف حيدر شاهه عام موڪل جو نوٽيفڪيشن پڻ جاري ڪري ڇڏيو آهي.نوٽيفڪيشن ۾ چيو ويو آهي ته سنڌ صوبي جون سموريون سرڪاري آفيسون، خودمختار ادارا، ڪارپوريشنز ۽ مقامي ڪائونسلون به بند رهنديون.پيپلز پارٽي ورسي جي موقعي تي ڳڙهي خدا بخش ۾ تعزيتي اجتماع منعقد ڪندي، سڄي ملڪ مان ڪارڪنن ۽ چاهيندڙن جي وڏي انگ جي شرڪت ڪرڻ جو امڪان آهي.
