لاهور (ويب ڊيسڪ)پاڪستان جي ٽيسٽ آل رائونڊر فهيم اشرف جيڪو پي ايس ايل جي ٽيم اسلام آباد يونائيٽيڊ جو حصو آهي جو چوڻ آهي ته اڄڪلهه ڪرڪيٽ ايتري ٿي وئي آهي جو رانديگرن کي آرام جي ضرورت آهي.فهيم اشرف چيو ته مشين کي به ڪنهن وقت آرام ڪرڻو پوندو آهي، انساني جسم به اهڙو هوندو آهي، جيڪڏهن ڪو 10 ميچون کيڏندو آهي ۽ پوءِ سخت جم به ڪندو آهي ته هو پنهنجي لاءِ غلط ڪم ڪري رهيو آهي.هن چيو ته رانديگرن کي به پاڻ فيصلو ڪرڻ گهرجي ته ڇا کيڏڻو آهي ۽ ڇا نه کيڏڻو آهي پر پاڪستان ۾ ائين نه ٿيندو آهي ڇو ته رانديگر اڪثر اهو سوچيندا آهن ته اسان آرام ڪيو ته اسان جي جاءِ ڪو وٺندو.فهيم اشرف چيو ته جيڪڏهن ڪو سٺو پرفارمر آهي ته ان جي جاءِ ڪير به نٿو وٺي سگهي.هن چيو ته هن وقت تائين رڳو ٻه ميچون سٺيون رهيون آهن، مان پنهنجي ڪارڪردگيءَ مان مطمئن ناهيان، مون کي جتي به موقعو ملندو آهي 100 سيڪڙو ڏيڻ جي ڪوشش ڪندو آهيان.
