ڪوئٽه: (ويب ڊيسڪ)ن بلوچستان جي علائقن زوب ۽ لسبيله ۾ ٿيندڙ روڊ حادثن ۾ 8 ڄڻا فوت جڏهن ته ڪيترائي زخمي ٿي پيا آهن.زوب ڀرسان ڪار ۽ ٽريڪٽر ۾ ٽڪر ٿيڻ جي نتيجي ۾ 6 ڄڻا فوت جڏهن ته 7 زخمي ٿي پيا. ليويز اختيارين موجب حادثي جي 7 زخمين کي اسپتال منتقل ڪيو ويو آهي جتي انهن جو علاج ڪيو پيو وڃي. جڏهن ته فوتين جا لاش پوسٽ مارٽم جي لاءِ اسپتال اماڻيا ويا آهن جتي ضروري ڪارروائي بعد لاشن کي وارثن جي حوالي ڪيو ويندو.ٻئي طرف لسبيله ۾ زيرو پوائنٽ واري هنڌ تي ڪوچ ۽ ٽرڪ جي ٽڪر جي نتيجي ۾ 2 ڄڻا فوت جڏهن ته 14 ڄڻا زخمي ٿي پيا آهن. ريسڪيو ذريعن موجب زخمين کي ڊسٽرڪٽ هيڊ ڪوارٽر اسپتال اوتهان منتقل ڪيو ويو آهي جتي سندن علاج ڪيو پيو وڃي. پوليس موجب حادثي جو ڪارڻ معلوم ڪرڻ لاءِ جاچ ڪئي پئي وڃي.
