سانگي ڦاٽڪ واري کي واٽهڙن جوڪٽڪو، همراه رتو رت

پنوعاقل (رپورٽ سنتوش ڪمار) “ڦاٽڪ بند ڇو ڪيوئي” پنوعاقل ڀرسان سانگي ريلوي اسٽيشن جي ڦاٽڪ واري کي موٽرسائيڪل سوارن ڪٽڪو ڏئي رتو رت ڪري ڇڏيو. ريلوي گيٽ مين جنسار جتوئي کي موٽر سائيڪل سوارن تشدد جو نشانو بڻايو جنهن بعد ريلوي انتظاميا زخمي نوجوان جنسار کي طبي امداد لاءِ روهڙي اسپتال منتقل ڪيو. زخمي ڦاٽڪ واري موجب ٽرين اچي رهي هئي مون ڦاٽڪ بند ڪيو، جنھن تي موٽر سائيڪل سوار وحيد جاگيراڻي ۽ ٻين مونکي ڌڪ هڻي فرار ٿي ويا. ٻئي پاسي سانگي پوليس موجب گيٽ مين کي وحيد جاگيراڻي نالي موٽرسائيڪل سوار تشدد جو نشانو بڻايو آهي جنهن بعد زخمي کي روهڙي اسپتال کڻائي ويا آهن قانوني ڪارروائي ريلوي پوليس پاڻ ڪندي جيڪڏهن ضرورت پئي ته اسان به ڪنداسين