لاهور (ويب ڊيسڪ)سريلنڪا خلاف ٽيسٽ سيريز لاءِ پاڪستان ڪرڪيٽ ٽيم جي اسڪواڊ جو اعلان ڪيو ويو آهي.پاڪستاني اسڪواڊ ۾ بابر اعظم (ڪپتان)، محمد رضوان (نائب ڪپتان ۽ وڪيٽ ڪيپر)، عامر جمال، عبدالله شفيق، ابرار احمد، حسن علي، امام الحق شامل آهن.محمد هريرا، محمد نواز، نسيم شاهه، نعمان علي، سلمان علي آغا، سرفراز احمد (وڪيٽ ڪيپر)، سعود شڪيل، شاهين آفريدي ۽ شان مسعود کي به سريلنڪا جي دوري لاءِ اسڪواڊ ۾ شامل ڪيو ويو آهي.سريلنڪا خلاف 2 ٽيسٽ ميچن جي اها سيريز دراصل ٽين آءِ سي سي ورلڊ ٽيسٽ چيمپيئن شپ ۾ پاڪستاني ٽيم جي پهرين سيريز هوندي.پاڪستاني ٽيم جي سپورٽ اسٽاف ۾ ريحان الحق (مينيجر)، گرانٽ بريڊ برن (هيڊ ڪوچ)، اينڊريو پيوٽڪي (بيٽنگ ڪوچ)، مورني مورڪل (بولنگ ڪوچ)، آفتاب خان (فيلڊنگ ڪوچ)، عبدالرحمان (اسسٽنٽ ڪوچ) هوندوان کان علاوه سپورٽ اسٽاف ۾ ڊريڪس سائمن (اسٽرنٿ اينڊ ڪنڊيشننگ ڪوچ)، ڪلف ڊيڪن (فزيوٿراپسٽ)، احسن افتخار ناگي (ميڊيا ۽ ڊجيٽل ڪنٽينٽ مئنيجر)، ليفٽيننٽ ڪرنل ريٽائرڊ عثمان انوري (سيڪيورٽي مئنيجر) شامل آهن.طلحه اعجاز (تجزيه نگار) ۽ ملنگ علي (ميسر) شامل آهن. چيف سليڪٽر هارون رشيد جو چوڻ آهي ته هو سمورن چونڊيل رانديگرن خاص ڪري محمد هريرا ۽ عامر جمال کي مبارڪباد پيش ڪري ٿو جن پنهنجي شاندار ڪارڪردگيءَ سبب ٽيم ۾ جاءِ ٺاهي آهي.سندس چوڻ آهي ته ٽيم جي چونڊ سريلنڪا جي حالتن ۽ چئلينجز کي نظر ۾ رکندي ڪئي وئي آهي، اها ٽين آءِ سي سي ٽيسٽ چيمپيئن شپ ۾ اسان جي پهرين سيريز آهي ۽ هي اسڪواڊ اسان کي سٺي شروعات ڏيڻ جي مڪمل صلاحيت رکي ٿي.هارون رشيد جو چوڻ آهي ته سريلنڪا جون حالتون فنگر اسپنرز لاءِ سازگار آهن، اسان اهو ماضي ۽ پاڪستاني ٽيم جي گذريل دوري ۾ ڏٺو آهي، ان ڪري ئي اسان ٽيم ۾ 3 اهڙا اسپنر رکيا آهن، جن ۾ اسپنر ابرار احمد به شامل آهي هارون رشيد جو چوڻ آهي ته فاسٽ بالرز جي به اهميت آهي ان ڪري ٽيم ۾ 4 فاسٽ بالرز کي چونڊيو ويو آهي ته جيئن ڪپتان ۽ ٽيم مئنيجمينٽ وٽ دوري ۾ ڪافي وسيلا هجن، بيٽنگ لائن به مضبوط هجي.هارون رشيد چيو ته جيڪي رانديگر هن دوري لاءِ نه چونڊجي سگهيا آهن انهن کي مايوس نه ٿيڻ گهرجي ڇو ته اهي به اسان جي پلان جو حصو هوندا.پاڪستان ڪرڪيٽ ٽيم 3 جولاءِ تي ڪراچي ۾ پهچندي جتي ان جي ڪيمپ 9 جولاءِ تي روانگي تائين جاري رهندي، دوري جو شيڊول سريلنڪن ڪرڪيٽ بورڊ جاري ڪندو.پاڪستان ۽ سريلنڪا وچ ۾ آخري ٽيسٽ سيريز جولاءِ 2022 ۾ کيڏي وئي هئي جيڪا 1-1 تان برابر رهي هئي.
