رياض: (ويب ڊيسڪ) وزيراعظم شهباز شريف چيو آهي ته سعودي عرب هر مشڪل وقت ۾ پاڪستان جو ساٿ ڏنو آهي. وزيراعظم شهباز شريف سان سعودي سرمائيڪاري واري وزير ملاقات ڪئي. ملاقات ۾ وزيراعظم سعودي ولي عهد جي لاءِ نيڪ خواهشن جو اظهار ڪيو.وزيراعظم عرب ملڪن جو سربراهي اجلاس منعقد ڪرڻ تي سعودي قيادت کي خراج تحسين پيش ڪيو. شهباز شريف سعودي عرب ۾ پرجوش ميزباني تي سعودي حڪومت جو ٿورو ادا ڪيو.شهباز شريف سعودي عرب جي ويزن 2023 جي حمايت بابت پاڪستان جي عزم جو اظهار ڪيو ۽ سعودي عرب جي ويزن 2023 جي حوالي سان سعودي قيادت جي تعريف پڻ ڪئي.انهي موقعي تي وزيراعظم شهباز شريف چيو ته پاڪستان ۽ سعودي عرب وچ ۾ ڀائراڻا لاڳاپا آهن. جڏهن ته سعودي عرب هر مشڪل وقت ۾ پاڪستان جو ساٿ ڏنو. سعودي ولي عهد سان ملاقات انتهائي مفيد رهي. هن چيو ته سعودي وزير جو تازو پاڪستان جو دورو اهم سنگ ميل هو جنهن سان نئين سرمائيڪار جو رستو سڌو ٿيو ۽ اقتصادي تعاون کي وڌيڪ گهرو ڪيو ويو. شهباز شريف چيو ته سعودي عرب ۾ رهندڙ پاڪستاني ٻنهي ملڪن جي اقتصادي ترقي ۾ اهم ڪردار ادا ڪري رهيا آهن.
