ڪراچي(اسٽاف رپورٽر) وفاقي جاچ اداري (ايف آءِ اي) اميگريشن ڪراچي ايئرپورٽ تي ڪارروائي ڪندي عمري جي آڙ ۾ پنڻ ۾ ملوث 10 جوابدارن کي گرفتار ڪري ورتو. ايف آءِ اي ترجمان موجب گرفتار جوابدار سعودي عرب مان پاڪستان پهتا هئا، جوابدارن کي عمري جي آڙ ۾ خيرات گهرڻ ۽ پنڻ تي سعودي عرب مان نيڪالي ڏني وئي هئي. ترجمان موجب گرفتار جوابدارن جو تعلق راڄن پور، ڪشمور، نوشهروفيروز، لاهور، پشاور، مهمند ۽ لاڙڪاڻي جي مختلف علائقن سان آهي. گرفتار 10 ئي جوابدارن کي انساني اسمگلنگ خلاف قائم سيل ۾ منتقل ڪيو ويو آهي. ياد رهي ته پنڻ لاءِ ماڻهو ڀرتي ڪرڻ واري منظم گروهه جي سربراهه کي 7 سال قيد ۽ 10 سال ڏنڊ جي سزا بابت انساني اسمگلنگ واري قانون ۾ ترميم لاءِ حڪومت چند ڏينهن اڳ سينيٽ ۾ بل پيش ڪيو هو.
