پشاور: (ويب ڊيسڪ) پاڪستان تحريڪ انصاف جي اڳواڻ شوڪت يوسفزئي چيو آهي ته جيڪڏهن پي ٽي آءِ باني عمران خان جي سول نافرماني واري سڏ تي عمل ٿي ويو ته انهي سان ملڪ کي ڪافي نقصان پهچندو.پنهنجي بيان ۾ شوڪت يوسفزئي چيو ته حڪومت جو ڳالهين جو فيصلو خوشي جوڳو آهي، اسان جو مطالبو آهي ته حڪومت بي گناهه ماڻهن کي آزاد ڪرڻ جي باري ۾ سوچي. ڪي پي ڪي جو وڏو وزير ڪرم جي معاملي تي اجلاس ۾ مصروف هو انهي جي لاءِ اسان سان شريڪ نه ٿي سگهيو.هن چيو ته 2 جنوري تي اسان جي ڪميٽي طرفان مطالبا پيش ڪيا ويندا، هاڻ سڀني کي ملڪ جي باري ۾ سوچڻ گهرجي. شوڪت يوسفزئي چيو ته پي ٽي آءِ باني ٻيهر سڏ ڏنو ته ماڻهو گهرن کان ٻاهر نڪرندا. حڪومت طرفان ڊيڄارڻ جي باوجود عوام گهرن کان ٻاهر نڪتي هئي.پي ٽي آءِ اڳواڻ چيو ته پنجاب ۾ اڻ اعلانيل مارشل لا لڳل آهي ڪنهن به قسم جي سياسي سرگرمي نٿي ڪرڻ ڏني وڃي. جيڪڏهن حالتن کي نارمل ڪرڻو آهي ته لچڪ ڏيکارڻي پوندي. سياسي پارٽين وٽ تمام گهڻا آپشن هوندا آهن. سياستدان دهشتگرد ته نه آهن.
